Poetry

Jumbish-e-kaakul-e-mahboob Se Din Dhalta Hai..Abdul Hamid Adam

Spread the love

Jumbish-e-kaakul-e-mahboob se din dhalta hai,
haaye! kis khoobi-e-usloob se din dhalta hai.

Phenk kulfat-zada sooraj pe bhi chheente uss ke,
jis mayy-e-dilkash-o-marghoob se din dhalta hai.

Koshish-e-banda-daana nahin kaamil hoti,
sohbat-e-banda-e-majzoob se din dhalta hai.

Mehar ke walwala-e-raast se pau phaTti hai,
mehar ke jazba-e-maqloob se din dhalta hai.

Saaqiya ek ‘adam ko bhi phureri uss ki,
jis khanakte hue mashroob se din dhalta hai. !!

Abdul Hamid Adam

Also read : Ho Jaayegi Jab Tum Se Shanasai Zara Aur..

Related Articles

Leave a Reply

Your email address will not be published. Required fields are marked *