Poetry

اثر کرے نہ کرے سن تو لے مری فریاد

Allama Iqbal

Spread the love

اثر کرے نہ کرے سن تو لے مری فریاد
نہیں ہے داد کا طالب یہ بندۂ آزاد

یہ مشت خاک یہ صرصر یہ وسعت افلاک
کرم ہے یا کہ ستم تیری لذت ایجاد

ٹھہر سکا نہ ہوائے چمن میں خیمۂ گل
یہی ہے فصل بہاری یہی ہے باد مراد

قصوروار غریب الدیار ہوں لیکن
ترا خرابہ فرشتے نہ کر سکے آباد

مری جفا طلبی کو دعائیں دیتا ہے
وہ دشت سادہ وہ تیرا جہان بے بنیاد

خطر پسند طبیعت کو سازگار نہیں
وہ گلستاں کہ جہاں گھات میں نہ ہو صیاد

مقام شوق ترے قدسیوں کے بس کا نہیں
انہیں کا کام ہے یہ جن کے حوصلے ہیں زیاد

ALSO READ:
مستقل محرومیوں پر بھی تو دل مانا نہیں

تو ابھی رہ گزر میں ہے قید مقام سے گزر | Allama Iqbal

سختیاں کرتا ہوں دل پر غیر سے غافل ہوں میں | Allama Iqbal

جنھيں ميں ڈھونڈتا تھا آسمانوں ميں زمينوں ميں

فطرت کو خرد کے روبرو کر | Allama Iqbal

Related Articles

Leave a Reply

Your email address will not be published. Required fields are marked *