Poetry

مٹا دیا مرے ساقی نے عالم من و تو پلا کے مجھ کو مےلاالٰہ الاہو

Allama Iqbal Urdu Poetry

Spread the love

مٹا دیا مرے ساقی نے عالم من و تو
پلا کے مجھ کو مےلاالٰہ الاہو

نہ مے نہ شعر نہ ساقی نہ شور چنگ و رباب
سکوت کوہ و لب جو و لالۂ خود رو

گدائے مے کدہ کی شان بے نیازی دیکھ
پہنچ کے چشمۂ حیواں پہ توڑتا ہے سبو

مرا سبوچہ غنیمت ہے اس زمانے میں
کہ خانقاہ میں خالی ہیں صوفیوں کے کدو

میں نونیاز ہوں مجھ سے حجاب ہی اولیٰ
کہ دل سے بڑھ کے ہے میری نگاہ بے قابو

اگرچہ بحر کی موجوں میں ہے مقام اس کا
صفائے پاکی طینت سے ہے گہر کا وضو

جمیل تر ہیں گل و لالہ فیض سے اس کے
نگاہ شاعر رنگیں نوا میں ہے جادو

ALSO READ:
خودی کی شوخی و تندی میں کبر و ناز نہیں

Related Articles

Leave a Reply

Your email address will not be published. Required fields are marked *