Poetry

گرم فغاں ہے جرس اٹھ کہ گیا قافلہ | علامہ اقبال

Allama Iqbal collection

Spread the love

گرم فغاں ہے جرس اٹھ کہ گیا قافلہ

وائے وہ رہ رو کہ ہے منتظر راحلہ

تیری طبیعت ہے اور تیرا زمانہ ہے اور

تیرے موافق نہیں خانقہی سلسلہ

دل ہو غلام خرد یا کہ امام خرد

سالک رہ ہوشیار سخت ہے یہ مرحلہ

اس کی خودی ہے ابھی شام و سحر میں اسیر

گردش دوراں کا ہے جس کی زباں پر گلہ

تیرے نفس سے ہوئی آتش گل تیز تر

مرغ چمن ہے یہی تیری نوا کا صلہ

Related Articles

Leave a Reply

Your email address will not be published. Required fields are marked *