NewsPakistanUrdu News

ایک ارب ڈالر کا حصول ٗ حکومت کا موٹروے کے اہم ترین حصے کو گروی رکھنے کا فیصلہ

Spread the love

اسلام آباد (مانیٹرنگ ڈیسک) حکومت نے 1 ارب ڈالرز کے حصول کیلئے اسلامی سکوک بونڈ کے اجرا کا فیصلہ کیا ہے۔ آئندہ پیر کو سکوک بونڈ جاری ہونے کا امکان ہے، جس کے لیے ایم۔1 کا اسلام آباد سے چکوال تک کا حصہ بطور ضمانت رکھنے کا فیصلہ کیا گیا ہے۔ روزنامہ جنگ میں مہتاب حیدر کی خبر  کے مطابق، آئی ایم ایف سے اسٹاف سطح کے معاہدے کے تناظر میں حکومت نے اسلامی سکوک بونڈ کے اجرا کا فیصلہ کیا ہے، جس کے ذریعے 1 ارب ڈالرز حاصل کیے جائیں گے جب کہ اس کے لیے موٹر وے (ایم۔1) کےایک حصے کو بطور ضمانت رکھا جائے گا۔

ایک اعلیٰ عہدیدار نے تصدیق کی ہے کہ حکومت ممکنہ طور پر آئندہ ہفتے سکوک بونڈ جاری کرسکتی ہے کیوں کہ وفاقی کابینہ پہلے ہی اس ٹرانزیکشن کے حصول کے لیے منظوری اور ٹیکس استثنا دے چکی ہے۔ عہدیدار کا کہنا تھا کہ وزارت خزانہ متعلقہ حلقوں سے این او سی لے رہی تھی اور توقع ہے کہ 1 ارب ڈالر کے حصول کے لیے آئندہ پیر کو سکوک بونڈ جاری کردیئے جائیں۔ پاکستان پہلے ہی 13 اکتوبر، 2021 کو پچھلے سکوک بونڈ کی پانچ سالہ مدت پوری ہونے پر 1 ارب ڈالرز کی ادائیگی کرچکا ہے، اس بونڈ کا اجرا 2016 میں ن لیگ کے دور حکومت میں کیا گیا تھا۔

اب فیصلہ کیا گیا ہے کہ جلد نئے سکوک بونڈ جاری کیے جائیں۔ ایک اعلیٰ عہدیدار کا کہنا تھا کہ حکومت نے سکوک بونڈ کے اجرا میں بطور ضمانت ایم۔1 کا اسلام آباد سے چکوال تک کا حصہ بطور ضمانت رکھنے کا فیصلہ کیا ہے اور اس حوالے سے تمام انتظامات مکمل کرلیے گئے ہیں بس کچھ متعلقہ محکموں سے این او سی کا حصول باقی ہے۔ اس حوالے سے وزارت خزانہ پہلے ہی وزارت ہوا بازی اور وزارت مواصلات سے این او سی لے چکا ہے۔

Related Articles

Leave a Reply

Your email address will not be published. Required fields are marked *

Back to top button